Review of Bullet Train (2022) by Hossamhassan — 30 Sep 2022
-فيلمنا كرتوني في المقام الأول ومن فصله التمهيدي بيعترف إنه مبني علي كرتون للأطفال زي ما قلت .. الأحداث كلها في قطر (زي توماس بطل الكرتون) .
. شخصياتنا كلها ذات بعد واحد وبيتم تعريفها ووصفها وتعاملها زي ما كان بيتم تعريفهم في الكرتون ..طريقة رسم الشخصيات و الملابس .
. تكوينات وطرق تصوير مشاهد المجاميع .. والتنقلات بين الفصل والتاني .. حتي طرق السرد في الحوار كرتونية .. - وده اللي خلاني ابلع كل ال American twists اللي في الفيلم وانا راضي وكمان لإنها كلها حلوة وذكية وبتضحك -ويمكن عيب الفيلم الوحيد وهو تكرار الرسالة الكرتونية تحديداً في نصه التاني .
. حسيت ان الموضوع بقا مكرر ومستهلك بعد ما كان بيضحك جدا في نصه الأول .. مستوي الفيلم منحدرش اوي .. بس قل بشكل ملحوظ - ويمكن ال vision الكرتونية تخلي الناس تنفر من الفيلم علي الرغم إنه منكرش طبيعته ولا لحظة .
. الفيلم محاولة أبدا يكون John Wick أو extraction أو nobody .. ولكنه عنيف بالقدر الكافي اللي يتناسب مع رؤيته اللي تشبع وتلائم الجو .
. وفي نفس الوقت متبقاش dark اوي .. وديه خلطة ناجحة جداً .. وإن كنت أوقات شميت ريحة tarantino .. ومش قادر احدد إذا كان ده عشان قناعتي إن لو ده فيلم لتارنتينو كان هيبقي احسن ولا الفيلم متأثر بيه فعلاً ؟ .
. ولو إني شايف انه واعي ورؤيته مكتملة بمزاياها وعيوبها اللي تخليه يبعد عن الشك ده بأفضل شكل .. - وأخيراً الكوميديا هي أفضل حاجة في الفيلم وفعلاً حلوة اوي فيلم bullet train هو فيلم أكشن كوميدي وعنيف وممتع و فيه رؤية فنية خفيفة وموزونة وغريبة شوية عن ال genre ديه من الأفلام حالياً بس هي اللي تنجحه وتديله طعم خاص وتخليه مهم .
.
This review of Bullet Train (2022) was written by Hossamhassan on 30 Sep 2022.
Bullet Train has generally received positive reviews.
Was this review helpful?
